HARMONIA DEN MUSICA

Music, ‘the organization of sound toward beauty’

Musica tawata un di e prome formanan na unda hende a experencia harmonia. E harmonia, como consecuencia di e conhunto di varios instrumento, a forma un fuente di inspirashon pa hopi hende. Cada bes atrobe tawatin compositor cu a logra compone musica cu tawata asina bunita y harmoniosamente composita, cu ainda nan tawata apela hende pa hopi siglo despues. No ta por nada cu nos ta yama esaki ‘musica clasico’.

Como mucha ya nos ta gusta musica. Y en realidad asta prome. Si nos a experencia cierto musica ya caba prome cu nacemento, nos ta reconoce e musica despues di nacemento y esey ta haci nos mas trankil.Den curso di aña nos ta mantene e amor aki pa musica y harmonia. Asta sa bisa cu nos ta bira mas inteligente ora di scucha musica clasico (e ‘efecto di Mozart’). Sinembargo, nunca a prueba esaki. Pero si ta cla cu e ta yuda’bo pa concentra miho (Kinderen en muziek).

Musica ta hunga un papel importante den nos bida. E por yuda pa ‘procesa’ tristesa of pa compensa un dia pisa of fastioso of pa sinti nos bon, den harmonia cu nos medio ambiente. Bo gusto musical ta desaroya mas tanto durante adolesencia. E musica cu bo ta scucha, ta bisa algo tambe di bo personalidad (Je bent muziek).

Tur caracteristica cu nos ta topa den musica contemporaneo, manera ritmo, melodia, harmonia y forma, en realidad ta bin di musica clasico. En general, musica clasico tin un ‘structura cera’. Scucha numa e concierto di Brandenburgo di Johann Sebastian Bach, un di e climaxnan di e repertorio clasico (Youtube).

E buki ‘Classical Music: The 50 greatest composers and their 1000 greatest works’ (Phil J. Goulding: Classical Music) ta duna un bon resumen di e diversidad di musica clasico desde Renaissance (ca. 1500) te cu tempo moderno. Por lesa tocante e buki aki den e diario Hulandes Trouw.

A pone informashon tocante e 50 componista den e buki aki y algun otro den un ‘liña di tempo’ (Tijdlijn Componisten). Aki den bo por mira den ki tempo e componista aki a biba, bo por haya sa mas detaye for di su bida (Wikipedia) y bo por mira un video (Youtube) cu musica di un of mas di su obranan. E lista aki ta un bon comienso pa si bo kier sa mas di musica clasico.

(Nota: primi e linknan color skur pa haya mas informashon al respecto!)